30 mlynedd gan wasanaeth gan Wasanaeth Tân ac Achub De Cymru

30 mlynedd gan wasanaeth gan Wasanaeth Tân ac Achub De Cymru

Gwasanaeth Tân ac Achub De Cymru yn lansio prosiect etifeddiaeth ‘Ysbryd Tân’ cyn ei ben-blwydd yn 30 oed

Ffurfiwyd Gwasanaeth Tân ac Achub De Cymru (GTADC) ym 1996 trwy uno brigadau tân De Morgannwg, Canol Morgannwg, a Gwent. Canlyniad uniongyrchol i ad-drefnu llywodraeth leol yng Nghymru, yn benodol Deddf Llywodraeth Leol (Cymru) 1994 oedd yr uno hwn.

Erbyn hyn, wrth i’r gwasanaeth agosáu at ei ben-blwydd yn 30 oed ym mis Ebrill 2026, mae menter etifeddiaeth yn cael ei lansio i anrhydeddu effaith y gwasanaeth ar bobl, diwylliant a chymunedau.

Mae prosiect Ysbryd Tân yn galw ar gyn-aelodau staff a staff wedi ymddeol GTADC ac aelodau’r gymuned i rannu eu hatgofion, ffotograffau a straeon fel rhan o archif ddiwylliannol ar gyfer y dathliadau’r pen-blwydd.

Ar gyfer gyn-aelodau staff a’u teuluoedd

Oeddech chi, neu aelod o’ch teulu, yn rhan o Wasanaeth Tân ac Achub De Cymru? Mae tîm y prosiect yn croesawu cyfraniadau gan unrhyw un â rhan yn y gwasanaeth dros y blynyddoedd, gan gynnwys diffoddwyr tân, staff rheoli, staff corfforaethol a chymorth neu gontractwyr.

Gall cyfranogwyr:

  • Wirfoddoli ar gyfer cael eich cyfweld i archif Ysbryd Tân
  • Gyflwyno ffotograffau (diwrnodau ar ddyletswydd, digwyddiadau cymdeithasol, gwaith cymunedol, neu eiliadau anffurfiol)
  • Rannu atgofion ac eiliadau balch
  • Ddweud wrthym am gydweithiwr neu fentor a wnaeth effaith barhaol

Dyma gyfle unigryw i ystyried yr hyn y mae diwylliant y gwasanaeth tân yn ei olygu mewn gwirionedd – yr hyn yr ydym yn ei diogelu, ei dathlu a’i pharhau.

Ar gyfer y cyhoedd

Mae’r tîm hefyd yn awyddus i glywed gan aelodau’r cyhoedd â rhyngweithiadau cofiadwy gyda Gwasanaeth Tân ac Achub De Cymru. Boed drwy ymateb brys, ymweliadau ysgol, digwyddiadau elusennol neu fentrau cymunedol. Mae pob stori’n helpu i greu darlun o gyrhaeddiad a dylanwad y Gwasanaeth.

Gallwch chi:

  • Wirfoddoli ar gyfer cymryd rhan mewn cyfweliad byr
  • Rannu lluniau o’ch profiadau
  • Adrodd eich straeon, mawr neu fach

Sut i gyfrannu

Os hoffech chi gymryd rhan, cewch gysylltu â thîm Ysbryd Tân drwy e-bost yn:

spirit-of-fire@southwales-fire.gov.uk 

or ysbryd-tan@decymru-tan.gov.uk ar gyfer cyfathrebu yn y Gymraeg

Neu gallwch anfon eich cyfraniadau drwy’r post:
Tîm Prosiect Ysbryd Tân
Pencadlys Gwasanaeth Tân ac Achub De Cymru
Parc Busnes Forest View
Llantrisant
CF72 8LX

Ymunwch â ni i ddiogelu’r etifeddiaeth a dathlu ysbryd y rhai sydd wedi llunio’r gwasanaeth a’r cymunedau y mae’n eu hamddiffyn.