Gwasanaeth Tân ac Achub De Cymru’n Derbyn Gwobr Aur Arobryn YWA am Gymorth Eithriadol i’r Lluoedd Arfog

Mae Gwasanaeth Tân ac Achub De Cymru (GTADC) yn falch o gyhoeddi ei fod wedi’i urddo â Gwobr Aur Cynllun Cydnabod Gweithwyr (CCG) Y Weinyddiaeth Amddiffyn (YWA) – bathodyn er anrhydedd ar gyfer sefydliadau sy’n darparu cymorth eithriadol i gymuned y Lluoedd Arfog.

Mae’r anrhydedd nodedig hwn yn adlewyrchu ymroddiad dwfn a pharhaus GTADC tuag at gyn-filwyr, y lluoedd wrth gefn a’r teulu Lluoedd Arfog ehangach. I gyflawni’r Wobr Aur, rhaid i sefydliadau nid yn unig gyflogi a chefnogi aelodau o gymuned y Lluoedd Arfog ond hefyd eirioli ar eu rhan yn weithredol, boed o fewn y gweithle a thu hwnt.

Yn adeiladu ar wobr Arian y llynedd, cyflawnodd GTADC amrediad o fesurau i gryfhau’r gefnogaeth yma, gan gynnwys:

• Dyrchafu polisïau gwyliau arbennig i ddarparu gwyliau â thâl ychwanegol i Filwyr Wrth Gefn sy’n ymgymryd ag ymrwymiadau hyfforddi;
• Ymgysylltiadau parhaus â Chyfamod y Lluoedd Arfog, gan ailddatgan ein llw i sicrhau bydd y rhai hynny sy’n gwasanaethu neu sydd wedi gwasanaethu yn cael eu trin â thegwch a pharch;
• Cyfranogaeth mewn prif ymarferion hyfforddi milwrol ar draws De Cymru, gan arddangos cydweithio a chyd-gefnogaeth gweithredol;
• Aelodaeth weithredol o’r Rhwydwaith Lluoedd Arfog Cenedlaethol, wrth fynychu’r cyfarfod cenedlaethol diweddaraf yn Swydd Efrog;
• Cefnogi Diwrnod Cenedlaethol y Lluoedd Arfog Cymreig, gan gynnwys ein hymrwymiad â’r digwyddiad diweddar yng Nghastell Cil-y-Coed;
• Mentrau codi arian a arweiniwyd gan gyn-filwyr, yn codi arian at achosion da sy’n ymwneud â’r Lluoedd Arfog.

Meddai Rheolwr Gorsaf John Bolton:

“Ry’n ni’n eithriadol falch i dderbyn y wobr hon. Mae Cyn-filwyr a Milwyr Wrth Gefn yn dod â chyfoeth o brofiad, disgyblaeth ac arweinyddiaeth i GTADC, ac rydym yn ymroddedig i greu amgylchedd lle gallent ffynnu.

“Mae’r Wobr Aur yn cydnabod nid yn unig y gwaith rydym wedi’i wneud hyd yn hyn, ond hefyd ein haddewid parhaus i fod yn gyflogwr croesawgar a chefnogol i aelodau o gymuned y Lluoedd Arfog.”

“Mae’r cyflawniad hwn yn destament i waith caled ein staff ac ymroddiad Rhwydwaith Lluoedd Arfog GTADC sydd wedi chwarae rôl ganolog wrth faethu diwylliant cynhwysol a chefnogol.”

Mae Gwasanaeth Tân ac Achub De Cymru’n parhau’n gadarn yn ei ymroddiad i’r gymuned Lluoedd Arfog a bydd yn parhau i ddatblygu ffyrdd arloesol i anrhydeddu a chefnogi’r rhai sy’n gwasanaethu.