Ymarferion o gwmpas dŵr ar draws ein hardal
Bydd Gwasanaeth Tân ac Achub De Cymru (GTADC) yn cynnal gweithgareddau achub rhag llifogydd ac achub o ddŵr ar draws yr ardal o Ddydd Mawrth y 24ain o Hydref i Ddydd Iau, y 26ain o Hydref 2023. Bydd y gweithgareddau hyn yn darparu hyfforddiant hanfodol i weithwyr a sefydliadau partner os bydd llifogydd eang yn yr ardal.
Caeth yr ymarfer hwn ei gynllunio ymlaen llaw, cyn y rhybudd tywydd coch sydd mewn grym ar gyfer sawl ardal o’r DU dros y penwythnos.
Yr ymarfer aml-asiantaeth fydd y cyntaf i gynnwys Adran yr Amgylchedd, Bwyd a Materion Gwledig (DEFRA), a fydd yn gweithio ochr yn ochr â sefydliadau eraill a Gwasanaethau Tân ac Achub.
Dylai aelodau’r cyhoedd fod yn ymwybodol y bydd llawer o’r gweithgareddau achub yn cynnwys dymis a ‘anafedigion’ byw, sy’n wirfoddolwyr, a fydd yn cynorthwyo yn y dŵr. Os ydych chi yn unrhyw un o’r lleoliadau a restrir isod yn ystod yr wythnos, cewch fod yn dawel eich meddwl bod y bobl hyn mewn dwylo diogel.
Mae ymarferion hyfforddi yn cynnwys pobl sydd ar goll yn y dŵr, achubiadau o fwd, achub o gychod, a cherbydau yn y dŵr. Bydd yr ymatebion yn cynnwys achub o gychod, nofwyr, achub o lannau a chwilio.
Mae’r rhestr o leoliadau ar gyfer y digwyddiadau hyfforddi hyn fel a ganlyn:
Dywedodd Darren Cleaves, Pennaeth yr Orsaf,
“Roedd yr ymarfer hwn wedi’i gynllunio ymlaen llaw cyn y rhybudd tywydd coch mewn sawl ardal o’r DU dros y penwythnos, ac ni allai fod yn fwy amserol. Cymerodd ein Canolfan Reoli Tân ar y Cyd tua 70 o alwadau am Wasanaethau eraill rhwng bore Dydd Gwener a bore Dydd Sadwrn, a bydd yr ymarfer hwn yn cynnwys gwahanol Wasanaethau Tân ac Achub yn gweithio gyda’i gilydd ar arfer gorau o ran ymateb i lifogydd – felly byddwn yn dysgu llawer oddi wrth ein gilydd.”